შემოქმედებთი ინდუსტრიები – სექტორი, რომელიც ახორციელებს მხატვრული და შემოქმედებითი ხასიათის პროდუქტისა და მომსახურების წარმოებასა და გავრცელებას, განურჩევლად მათი კომერციული ღირებულებისა, და სხვადასხვა ინდუსტრიულ საქმიანობას, რომელიც შემოქმედებით და მხატვრულ ძალისხმევას ემყარება, ან/და იყენებს კულტურას, როგორც რესურსს ინდუსტრიული პროდუქტის შექმნაში.
რამდენი შემოქმედებითი ინდუსტრია არსებობს საქართველოში?
არქიტექტურა - არქიტექტურული საქმიანობა; საინჟინრო და ტექნიკური მომსახურება;
დიზაინი და მოდის ინდუსტრია - სპეციალიზირებული დიზაინერული საქმიანობა (ინტერიერის, ინდუსტრიული, გრაფიკული დიზაინი; მოდის ინდუსტრია;
სახვითი ხელოვნება - არტისტული შემოქმედება (ფერწერა, სკულპტურა, ფოტოგრაფია, ახალი მედია ხელოვნება და ა.შ.; სახელოვნებო ორგანიზაციებისა და ინსტიტუციების შემოქმედებითი ინდუსტრიული საქმიანობა);
კინო და ვიდეო - კინო ფილმების, ვიდეო და სატელევიზიო პროგრამების პროდუქცია, პოსტ- პროდუქცია და დისტრიბუცია;
კულტურული მემკვიდრეობა - მუზეუმის აქტივობები; საბიბლიოთეკო და საარქივო მომსახურებები; ისტორიული ნაგებობების და ადგილების პრეზერვაცია; ბუნებრივი ნაკრძალების, ბოტანიკური, ზოოლოგიური და გასართობი პარკების ინდუსტრია;
ლიტერატურა და საგამომცემლო ინდუსტრია - ჟურნალები და პერიოდული გამოცემები; წიგნების გამოცემა; მეორადი წიგნების გაყიდვა; თარგმნა; წიგნების და ნაბეჭდი პროდუქციის გაყიდვა; სპეციალიზირებულ მაღაზიებში; ელექტრონული წიგნების წარმოება და დისტრიბუცია;
მედია და მაუწყებლობა - რადიო მაუწყებლობა; სატელევიზიო მაუწყებლობა; ინტერნეტ მაუწყებლობა;
მუსიკა - მუსიკალური ინსტრუმენტების წარმოება; მუსიკის ელექტრონული კომერცია; მუსიკალური და ვიდეო ჩანაწერების გაყიდვა; სპეციალიზირებულ მაღაზიებში; აუდიო ჩანაწერების წარმოება და მუსიკის პროდუქცია; მუსიკალური ინსტრუმენტების გაყიდვა სპეცილიზერბულ მაღაზიებში; ცოცხალი შესრულება;
რეკლამა - სარეკლამო სააგენტოების მომსახურება, საზოგადოებასთან ურთიერთობები, კომუნიკაცია, სარეკლამო პროდუქციის წარმოება; მედია რეპრეზენტაცია; საკონსულტაციო საქმიანობა;
საშემსრულებლო ხელოვნება - საშემოსრულებლო ხელოვნების დარგები - თეატრი, ცეკვა, ბალეტი, ცირკი, საოპერო და მუსიკალური წარმოდგენები; საშემსრულებლო ხელოვნების ხელშემწყობი აქტივობები; გასართობი ინდუსტრია და ფესტივალები;
სახელოვნებო და კულტურული განათლება - სახელოვნებო და კულტურული განათლების ინდუსტრია;
ციფრული ტექნოლოგიების ინდუსტრია - კომპიუტერული პროგრამების, ვებ პორტალებისა და აპლიკაციების შექმნა; მონაცემთა ბაზები; კომპიუტერული მედიის წარმოება და რეპროდუქცია; კომპიუტერული თამაშების პროდუქცია; პროგრამირება; ინოვაციური ტექნოლოგიური სერვისების და პროდუქციის შექმნა;
გასტრონომია და კულინარიული ინდუსტრია - კულინარიული განათლება; ორგანული, ადგილობრივი და ინოვაციური სტარტაპები კვებისა და კულინარიის მიმართულებით;